हुन्डाई नेपालद्वारा ‘World Cup to World Cup’ अफर सार्वजनिक, चार वर्षसम्म विशेष सुविधा

नेपालका लागि हुन्डाई गाडीको आधिकारिक वितरक लक्ष्मी इन्टरकन्टिनेन्टल प्रालिले फिफा विश्वकप २०२६ (FIFA World Cup 2026) सँग हुन्डाईको विश्वव्यापी साझेदारीलाई उत्सवका रूपमा मनाउँदै ‘World Cup to World Cup’ अफर सार्वजनिक गरेको छ।

फिफा विश्वकप २०२६ को आधिकारिक साझेदारका रूपमा हुन्डाईले गतिशीलता (Mobility), जोश र प्रगतिमार्फत मानिसहरूलाई जोड्ने आफ्नो विरासतलाई निरन्तरता दिँदै आएको छ। यही भावनालाई नेपालमा पनि विस्तार गर्दै कम्पनीले ग्राहकहरूलाई एक विश्वकपदेखि अर्को विश्वकपसम्म साथ दिने उद्देश्यका साथ विशेष स्वामित्व लाभ (Ownership Benefits) प्रदान गर्ने योजना ल्याएको जनाएको छ।

यस योजनाअन्तर्गत ग्राहकहरूले चार वर्षको वारेन्टी, निश्चित मोडलहरूमा ४ लाख रुपैयाँसम्मको आकर्षक नगद छुट तथा ४४ हजार ४४४ रुपैयाँसम्मको विशेष ‘वर्ल्ड कप बोनस’ प्राप्त गर्न सक्नेछन्। साथै, एक वर्षको विस्तृत बिमा (Comprehensive Insurance) र सहज एक्सचेन्ज तथा मूल्याङ्कन सुविधासमेत उपलब्ध गराइएको छ।

कम्पनीका अनुसार यो अभियानले ग्राहक सन्तुष्टि र लाभदायक स्वामित्व अनुभवप्रति हुन्डाईको निरन्तर प्रतिबद्धतालाई झल्काउँछ। आकर्षक बचत, बिमा सुविधा, बोनस तथा सहज एक्सचेन्ज सेवासँगै सबै हुन्डाई गाडीमा चार वर्षको गाडी वारेन्टी, आठ वर्षको हाई–भोल्टेज ब्याट्री वारेन्टी तथा छ वर्षको निःशुल्क सर्भिसिङ सुविधा उपलब्ध रहेको कम्पनीले जनाएको छ। यी सुविधाले ग्राहकहरूलाई दीर्घकालीन मूल्य र पूर्ण ढुक्कता प्रदान गर्ने विश्वास कम्पनीको छ।

‘World Cup to World Cup’ अभियानमार्फत हुन्डाई गाडीको स्वामित्व अझ बढी फलदायी, सुविधाजनक र भरपर्दो बन्ने कम्पनीले जनाएको छ।

नेपालमा बलियो विरासत तथा देशव्यापी बिक्री र सेवा सञ्जाल रहेको हुन्डाईले विश्वसनीय, नवीन तथा प्रगतिशील गतिशीलताका लागि चिनिने सवारीसाधन उपलब्ध गराउँदै आएको छ।

हुन्डाई नेपालले आफ्ना सम्पूर्ण ग्राहकलाई नजिकैको हुन्डाई शोरुममा गई सीमित अवधिका लागि उपलब्ध ‘World Cup to World Cup’ अफरको लाभ लिन आग्रह गरेको छ।

कम्पनीले हुन्डाईसँगको यात्रालाई विशेष सुविधासहित हरेक माइलको उत्सवका रूपमा मनाउन पनि ग्राहकहरूलाई अनुरोध गरेको छ।

Follow @nagarik_news