सुदूरपश्चिम सरकारमा कांग्रेसका ५ मन्त्री थपिए

सुदूरपश्चिम प्रदेश सरकारको मन्त्रिमण्डल पुनर्गठन भएको छ। मुख्यमन्त्री कमलबहादुर शाहले नेपाली कांग्रेसभित्रको आन्तरिक विवाद समाधानका लागि आफ्ना पुराना मन्त्रीहरू फिर्ता बोलाउँदै ५ जना नयाँ मन्त्री र राज्यमन्त्री नियुक्त गरेका हुन्।

मुख्यमन्त्री शाहले सोमबार तीन मन्त्री र दुई राज्यमन्त्री नियुक्त गरेका हुन्। नवनियुक्त मन्त्रीहरूमा विक्रम सिंह धामी (आर्थिक मामिला), बेलबहादुर राना (सामाजिक विकास) र मानबहादुर रावल (उद्योग, पर्यटन, वन तथा वातावरण) रहेका छन्।