‘रामायण’मा कैकेयी बन्दै लारा दत्ता, मन्थराको भूमिकामा शीबा चड्ढा

काठमाडौं – निर्देशक नितेश तिवारीको निर्देशनमा निर्माण भइरहेको बहुप्रतीक्षित चलचित्र ‘रामायण’का निर्माताले अभिनेत्री लारा दत्तालाई रानी कैकेयी र शीबा चड्ढालाई मन्थराको भूमिकामा प्रस्तुत गर्दै नयाँ क्यारेक्टर पोस्टर सार्वजनिक गरेका छन् । महाकाव्य रामायणका कथानकमा निर्णायक प्रभाव पार्ने यी दुई पात्रको पहिलो झलक सार्वजनिक भएसँगै चलचित्रको कलाकार समूहबारे दर्शकमाझ चासो बढेको छ ।

निर्माता नमित मल्होत्राको नेतृत्वमा निर्माण भइरहेको चलचित्रका नयाँ पोस्टर राजा दशरथको भूमिकामा अरुण गोविलको पहिलो झलक सार्वजनिक भएको केही समयपछि आएका हुन् । निर्माताले क्रमशः प्रमुख पात्रहरूको परिचय सार्वजनिक गर्दै चलचित्रको भव्यता र कथाका महत्त्वपूर्ण पक्षलाई दर्शकमाझ प्रस्तुत गरिरहेका छन् ।