महत, ढकाल र शर्मालाई भ्रष्टाचारको मुद्दामा ९ वर्ष कैद सजाय : ६ अर्ब १५ करोड ७० लाख ४६ हजार ८ सय ४७ रुपियाँ बिगो तोकियो

काठमाडौं । विशेष अदालतले कर फस्र्यौट आयोगका अध्यक्ष लुम्बध्वज महत, सदस्य उमेश ढकाल र सदस्य सचिव चूडामणि शर्मालाई भ्रष्टाचारको मुद्दामा ९ वर्षको कैद सजाय सुनाएको छ ।

विशेष अदालतका अध्यक्ष न्यायाधीश श्रीकान्त पौडेल, सदस्य न्यायाधीशहरू यमुना भट्टराई र शालिग्राम कोइरालाको इजलासले कैद सजाय हुने फैसला गरेको हो। अदालतका प्रवक्ता दिपेन्द्रनाथ योगीका अनुसार महतलाई ९ वर्ष एक महिना कैद सुनाएको हो। ढकाल र शर्मालाई ९÷९ वर्ष कैद सुनाएको छ। शर्मा आन्तरिक राजस्व विभागका तत्कालीन महानिर्देशक समेत रहेका छन्। सो बिगो, जरिवाना र सजाय भ्रष्टाचारको मुद्दामा विशेष अदालतले निर्धारण गरेको हालसम्मकै बढी बिगो, जरिवाना र सजाय रहेको छ ।