कलाका सोखिन जौहरी

२०१७ सालमा बेलायतको अक्सफोर्ड विश्वविद्यालयबाट न्यायशास्त्रमा स्नातक गरेपछि सागरशमशेर राणा देशको न्यायक्षेत्रमा नयाँ मानक स्थापनाको लक्ष्यसहित स्वदेश फर्किएका थिए।

तर भइदियो उल्टो– त्यही वर्ष १ पुसमा राजा महेन्द्रले १७ महिनाअघि मात्र दुई तिहाइ बहुमत ल्याएर बनेको नेपाली कांग्रेसका नेता बीपी कोइरालाको नेतृत्वको पहिलो जननिर्वाचित सरकार अपदस्थ गरे। राजा महेन्द्रको ‘कु’ लगत्तै विघटित संसद्‌मा प्रमुख विपक्षी नेपाल राष्ट्रवादी गोर्खा परिषद्का नेता भरतशमशेर राणा पनि पक्राउ परे।