मुस्ताङमा मुस्किलले बाँचेका थिए अमिताभ बच्चन

३४ वर्षअघिको कुरा। त्यसबेला म मुस्ताङमा होटल व्यवसाय गरेर बसेको थिएँ। एकदिन तत्कालीन शाही नेपाल वायुसेवा निगमका क्याप्टेन सुधीर राई आइपुग्नुभयो र भन्नुभयो, ‘भाइ, एउटा हिन्दी फिल्मको सुटिङ गर्नु छ। सकिन्छ?’

घरमा आउन लागेको त्यत्रो ठूलो व्यापार! मैले नाइँ भन्ने कुरै भएन। सक्छु भनेँ। त्यतिबेला यस क्षेत्रको विकासमा अहोरात्र खटिएको थिएँ। सबैको साथ थियो, मलाई। मेरो सकारात्मक उत्तर सुनेर उहाँले फिल्म बनाउने युनिटका सदस्यलाई भन्नुभएछ– मजाले सकिन्छ।