पकेट क्षेत्रमै घट्यो आलु उत्पादन

म्याग्दी- म्याग्दीको रघुगंगा गाउँपालिका-८ मङ्गलेखानीकी बलदेवी छन्त्यालले गत वर्ष दुई मुरी आलु फलेको बारीमा यसपाली मुस्किलले एक मुरी आलु खनिन्।

‘असिनाले हुर्कँदै गरेको अवस्थामा चुटेर आलुको बोटका सबै पात झारिदिएपछि लागेको दाना ठूला हुन र थप दाना फल लाग्नै नपाउँदा उत्पादन आधाले घटेको छ’, उनले भनिन्,‘गत वर्ष ५० मुरी आलु फलाएको थियो। यसपाली आधा पनि उत्पादन होला जस्तै छैन।’