बागमतीका ४६ जना उपसचिवको सरुवा (को कहाँ पुगे ?)

मकवानपुर । बागमती प्रदेश सरकारले प्रदेश प्रशासन सेवाका ४६ जना वरिष्ठ उपसचिव तथा उपसचिवहरूको सरुवा तथा पदस्थापन गरेको छ । मुख्यमन्त्री तथा मन्त्रिपरिषद् कार्यालयको असोज २३ को निर्णयअनुसार प्रशासन/सामान्य प्रशासन समूहका वरिष्ठ उपसचिव र उपसचिवहरूको सरुवा र पदस्थापन गरिएको हो ।

सरकारले मन्त्रालय र कार्यालयहरूको पुनःसंरचनापछि ती कर्मचारीहरूको सरुवा तथा पदस्थापन गरेको हो । उनीहरूलाई विभिन्न मन्त्रालय, निर्देशनालय, आयोग तथा कार्यालयहरूमा सरुवा तथा पदस्थापन गरिएको छ । निर्णयअनुसार नेत्रप्रसाद भट्टराईलाई युवा तथा खेलकुद मन्त्रालयबाट प्रदेश किताबखाना हेटौँडामा, हरिहर पोखरेललाई सञ्चार रजिस्ट्रारको कार्यालयबाट उद्योग, पर्यटन, श्रम तथा यातायात मन्त्रालयमा र महेशराज पौडेललाई उद्योग, वाणिज्य, भूमि तथा प्रशासन मन्त्रालयबाट उद्योग, वाणिज्य तथा पर्यटन कार्यालय, चितवनमा सरुवा गरिएको छ ।