धेरै कर्मचारीलाई बिदा दिएपछि सशस्त्रका सल्यान र जाजरकोट कमान्डर कारबाहीमा

काठमाडौं । सशस्त्र प्रहरी बलले सल्यान र जाजरकोट गुल्मका गुम्मपतिहरूलाई कमान्डबाट फिर्ता बोलाएको छ । अत्याधिक कर्मचारीहरूलाई बिदामा छाडेर राशनमा बदमासी गरेको भन्दै उनीहरूलाई फिर्ता बोलाइएको सशस्त्र प्रहरीका प्रवक्ता तथा नायब महानिरीक्षक विष्णुप्रसाद भट्टले जानकारी दिए ।

भट्टका अनुसार केही दिनअघि ती दुई गुल्मका गुल्मपति डीएसपीहरूले गुल्ममा कार्यरत सशस्त्र प्रहरी कर्मचारीहरू अत्याधिक मात्रामा बिदा छाडेको उजुरी सशस्त्र प्रहरी महानिरीक्षकको कार्यालयमा परेको थियो । त्यसपछि प्रधान कार्यालयबाट सशस्त्र प्रहरी वरिष्ठ उपरीक्षकको कमान्डमा छानबिन टोली खटिएको थियो ।