सीताराम-रीताले दाउराको आगोमै पकाएर बेच्छन् दैनिक ७०० कप चिया

बिहानीको झिसमिसेमै जब पूर्वको आकाश उज्यालिँदै जान्छ, उदयपुरको सदरमुकाम त्रियुगा नगरपालिका–१, गाईघाट बजारको एउटा कुनामा दाउराको धुवाँसँगै मीठो बास्ना मगमगाउन थाल्छ ।

त्यो बास्ना हो- तातो दाउराको चुल्होमा उम्लिँदै गरेको चियापत्ति र शुद्ध दूधको । बिहान ४ बज्न नपाउँदै गाईघाटका सडकमा मर्निङवाक गर्नेहरू, मजदुर, कर्मचारी र स्थानीय बासिन्दाहरूको पाइला एउटै गन्तव्यतिर सोझिन्छ, त्यो हो कटुवाल चिया पसल ।