निर्वाचन विधेयकले कानुनी रूप लिएपछि धेरै कुरा समेटिने छ : आयुक्त तुलाधर

काठमाडौँ । निर्वाचन आयोगले आगामी दिनमा मतदान प्रक्रियालाई लैङ्गिक, अपाङ्गता तथा समावेशी दृष्टिकोणले अझ सुदृढ र प्रभावकारी बनाउने प्रतिबद्धता जनाएको छ ।

सोमबार महिला, कानुन र विकास मञ्च (एफडब्लुएलडी) को नेतृत्वमा १५ वटा गैरसरकारी संस्थाले तयार पारेको 'प्रतिनिधिसभा सदस्य निर्वाचन २०७९ः लैङ्गिक, अपाङ्गता तथा समावेशी दृष्टिकोणबाट निर्वाचन पर्यवेक्षण प्रतिवेदन’ अनावरण कार्यक्रममा बोल्दै निर्वाचन आयुक्त डा. जानकी तुलाधरले यस्तो प्रतिबद्धता व्यक्त गरेकी हुन् ।