५ वर्षदेखि दशैंमा बुबा-आमाको हातको टीका थापेको छैन 

दशैं घरपरिवार, इष्टमित्र, आफन्त तथा साथीभाइसँग रमाइलो गरेर बिताइने वर्ष दिनको चाड हो। तर मैलै विगत ५ वर्षदेखि वीर अस्पतालमा चिकित्सकको रुपमा काम गरेयता कुनै पनि दशैं घरपरिवार तथा आफन्तसँग बिताएको छैन। बुबाआमाको हातबाट दशैंको टीका नलगाएको पनि ५ वर्ष नै बितिसकेको छ। मेरो घर जनकपुर हो, म भने अस्थाई रुपमा काठमाडौंको गौरीघाट बस्छु।

यसरी चाडपर्व तथा जमघट हुनुपर्ने समयमा पनि घरपरिवारसँग बस्न नपाउँदा कताकता नरमाइलो भने लाग्ने गर्छ। कतिपय अवस्थामा दु:ख लागे पनि आफैंले छनोट गरेको पेसा भएकोले मन बुझाउने प्रयास गर्छु।