प्रेरक प्रसंग : असल मानिस

प्राचीन ग्रिसमा एक रानी थिइन् । उनी आफ्ना नागरिक र कर्मचारीको परीक्षा लिन विभिन्न क्रियाकलाप गरिरहन्थिन् । एकपटक उनले आफ्ना सैनिकमार्फत दरबारनजिकैको फराकिलो बाटाको बीचमा केही ठुला ढुंगा राख्न लगाइन् । आफूले चाहेजसरी ढुंगा राखिसकेपछि उनी दरबारको एउटा कुनामा लुकिन्, जहाँबाट ढुंगा राखिएको स्थान प्रस्ट देखिन्थ्यो । रानी कसले ती ढुंगा हटाउँछ र कसले त्यसलाई वास्ता नगरी अघि बढ्छ भनेर हेर्न चाहन्थिन् ।

त्यही बाटो हुँदै राज्यका धनी व्यापारी र दरबारियाहरू अघि बढे । उनीहरूले मुस्किलले ती ढुंगा पार गरे । तर, कसैले पनि ढुंगा हटाउन कोसिस गरेनन् । अझ कसैकसैले त आफ्नो दरबारअगाडिको बाटामा यति ठूला ढुंगा देख्दा पनि तिनलाई हटाउन कुनै पहल नगरेको भन्दै रानीलाई नै दोष दिए । तर, कोही पनि ती ढुंगा हटाउन रोकिएनन् । दिनभरमा सो बाटो हुँदै सयौँले यात्रा गरे । तर, कसैले पनि ढुंगा हटाउने कोसिससम्म गरेनन् ।