सर्पदंशको उपचारमा अब्वल भेरी अस्पताल

बाँके, बर्दिया, सुर्खेत, दाङ र कैलालीसम्मका सर्पदंशका विरामीलाई उपचारका लागि ल्याउने गरिएको नेपालगन्जस्थित भेरी अस्पताल सर्पदंशको उपचारमा अब्वल सावित भएको छ ।

सर्पदंशको उपचारलाई प्रभावकारी बनाउँदै भेरी अस्पतालले सोबाट हुने मृत्यु दरलाई शून्यमा झार्न सफल भएको छ । पछिल्ला वर्षहरुमा सर्पदंशका कारण अस्पतालमै धेरै विरामीले ज्यान गुमाउँदै आएकोमा यो वर्ष भने उपचारका क्रममा कसैको पनि मृत्यु हुन नपाउनु चिकित्सकहरुको लागि मात्र नभई यस क्षेत्रकै लागि उत्साहजनक उपलब्धि बनेको भेरी अस्पतालका चिकित्सकको भनाइ छ ।