निजामती सेवामा ‘उथलपुथल’ तयारी: ५५ वर्षमै अवकाश दिने गरी अध्यादेशको मस्यौदा

भूमि व्यवस्था, सहकारी, संघीय मामिला तथा सामान्य प्रशासन मन्त्रालयले ५५ वर्ष उमेर पुगेका वा ३० वर्ष सेवावधि पूरा गरेका कर्मचारीलाई अनिवार्य अवकाशमा पठाउने प्रस्तावसहित संघीय निजामती सेवा ऐनको मस्यौदा कानुन, न्याय तथा संसदीय मामिला मन्त्रालयमा पठाएपछि कर्मचारी वृतमा हलचल मच्चिएको छ।

अहिले सबैजसो सरकारी कार्यालयमा यही विषयमा चर्चा र टीकाटिप्पणी हुने गरेको छ। मस्यौदामा ५५ वर्ष उमेर पुगेका वा ३० वर्ष सेवावधिका पूरा गरेका कर्मचारीलाई एक पटकका लागि अनिवार्य अवकाशमा पठाउने व्यवस्था गरिएको छ।