४८ वर्षअघि हजुरआमाले खोलेको पाँचतारे होटल सम्हाल्दै दिदीबहिनी

आयषा र अनुष्का मल्ल दिदीबहिनी हुन्। उनीहरूको प्रारम्भिक बाल्यकाल काठमाडौंको लैनचउरस्थित 'द मल्ल होटल' को परिसरमा बित्यो। होटलमा आउने पाहुनासँग गफ गर्दै, त्यहीँ उफ्रिँदै हुर्के। उनीहरूका लागि होटलका कर्मचारी निकटका आफन्त बने।

पाँचतारे मल्ल होटल आयषा र अनुष्काकी हजुरआमा रमाकुमारीले २०३२ सालमा स्थापना गरेकी हुन्। चार वर्षअघि मात्र रमाले सक्रिय व्यवस्थापकीय जिम्मेवारीबाट फुर्सद लिइन्। संस्थापक अध्यक्ष रहेकी रमाले आफ्ना दुई नातिनीहरू आयषा र अनुष्कालाई होटल सञ्चालनको जिम्मेवारी दिएकी छन्।