मोदी-शाहलाई ‘खलनायक’ भन्दै राहुलको चेतावनी : जे मन लाग्छ गर्नुस्, हामी पछि हट्ने छैनौँ

लोकसभामा विपक्षी दलका नेता राहुल गान्धीले निर्वाचन आयोगविरुद्धको प्रदर्शनमा प्रहरीले गरेको धरपकडको विरोध गर्दै आन्दोलनबाट पछि नहट्ने बताएका छन्।

उनले शनिबार सामाजिक सञ्जाल एक्समा भिडियो पोस्ट गर्दै प्रधानमन्त्री नरेन्द्र मोदीलाई लक्षित गरी भने, ‘मोदीजी, जे मन लाग्छ गर्नुहोस्। १० हजार, २० हजार वा ५० हजार प्रहरी बोलाउनुहोस्। सबै नेता र युवालाई पक्राउ गर्नुहोस् वा हामी सबैलाई पक्राउ गर्नुहोस्। हामी पछि हट्ने छैनौँ।’