मुटुको चाल रोकिँदा जब पोखरामै उपचार पाए

स्याङ्जा घर भई हाल पोखरा १७ बिरौटा बस्ने ८४ वर्षीय ज्ञानकुमारी शर्मा ३ महिना अघि एक्कासि बिरामी भइन् । घरमा भित्र बाहिर गरिराख्ने ज्ञानकुमारी अचानक श्वासप्रश्वास गर्न अप्ठेरो भयो । उनको श्वासप्रश्वास छिट्टो छिटो हुनेदेखि शरीर गहुँग्रो भएर सास फेर्न कठिन भयो । घरपरिवारले हठात उपचारका लागि पोखरा ८ नयाँ बजारस्थित गण्डकी मेडिकल कलेज पुर्यायो ।

अस्पतालका डाक्टर मधु रोकाका अनुसार अस्पताल पुग्दा ज्ञानकुमारीको मुटुको चाल नै थिएन । मुटुको दायाँ पट्टिको नसा १०० प्रतिशत गइसकेको थियो । ब्रल्र्ड सर्कुलेसन रोकिएको थियो । शरीरलाई नर्मल प्रेसर जति चाहिन्थ्यो त्यो पर्याप्त थिएन । यसका लागि ज्ञानकुमारीको क्याथ ल्याब मार्फत जुन नसा खुलेको छैन । त्यो नसा खुलाउनुपर्ने थियो । परिवारले दिएको अनुमति अनुसार हृदय रोग विशेषज्ञ डाक्टर रोक्काको नेतृत्वको टोलीले अस्थायी पेसमेकर दिएर मुटुको त्यो बन्द भएको भल्ब खोल्न सफल भए ।