अब बैंक खाता खोल्न राष्ट्रिय परिचयपत्र आवश्यक नपर्ने, अब नागरिकताबाटै खाता खोल्न र अद्यावधिक गर्न पाइने

काठमाडौं- सर्वोच्च अदालतले बैंक खाता खोल्न तथा ग्राहकको विवरण अद्यावधिक (केवाईसी) गर्न राष्ट्रिय परिचयपत्रलाई अनिवार्य र एकमात्र आधार नबनाउन नेपाल राष्ट्र बैंकका नाममा आदेश जारी गरेको छ।

न्यायाधीश सपना प्रधान मल्ल र मेघराज पोखरेलको संयुक्त इजलासले राष्ट्रिय परिचयपत्र प्राप्त नभइसकेको अवस्थामा नागरिकताको प्रमाणपत्रलगायत अन्य कानुनी पहिचान खुल्ने कागजातका आधारमा पनि नियमित बैंकिङ सेवा उपलब्ध गराउन आदेश दिएको हो।