गोरखा भर्तीबारे नेपालसँग 'कुरै नझिक्ने' भारतको रणनीति

भारतीय सेनाका एक जना अवकाशप्राप्त उच्च सैन्य अधिकारीले नयाँ दिल्लीले गोर्खा भर्तीको विषय आफ्नोतर्फबाट नेपालसमक्ष नउठाउने भन्दै 'काठमाण्डूले अवलम्बन गर्ने नीतिमा अब यो मुद्दा निर्भर रहेको' टिप्पणी गरेपछि यो मुद्दा कति पेचिलो अवस्थामा छ भन्ने स्पष्ट भएको छ।

भारतीय सेनामा नयाँ भर्ना लिने प्रकृया अन्तर्गत नयाँ दिल्लीले पाँच वर्षअघि 'अग्निपथ योजना' कार्यान्वयनमा ल्याएपछि नेपाली नागरिकहरू पनि सहभागी हुने गरेको त्यस्तो भर्ना प्रकृयाप्रति असहमति जनाउँदै नेपालले आफ्नो तर्फबाट भारतीय गोर्खा भर्ती रोकिदिएको थियो।