रास्वपा–बालेन्द्र शाहबिच ‘बृहत् एकता’ सहमति केन्द्रीय समितिबाट अनुमोदन

काठमाडौँ । राष्ट्रिय स्वतन्त्र पार्टी (रास्वपा) र काठमाडौँ महानगरपालिकाका मेयर बालेन्द्र शाहबिच भएको ‘बृहत् एकता’ सम्बन्धी सहमति रास्वपाको केन्द्रीय समितिबाट औपचारिक रूपमा अनुमोदन भएको छ ।

आइतबार पार्टी सभापति रवि लामिछानेको अध्यक्षतामा बसेको केन्द्रीय समितिको विशेष बैठकले उक्त सहमतिको विस्तृत छलफलपछि सर्वसम्मत रूपमा अनुमोदन गरेको हो । बैठकले राष्ट्रहितका लागि आँट, त्याग र आशालाई प्रतिबिम्बित गर्ने यस सहमतिको पूर्ण कार्यान्वयनमा पार्टी प्रतिबद्ध रहने निर्णय गरेको छ ।