'हीटस्ट्रोक’ का कारण फिजियन रग्बी खेलाडीको मृत्यु

फिजीका २६ वर्षीय रग्बी खेलाडी साइमोनी भुनिलागीको प्रशिक्षणपछि 'हीटस्ट्रोक’का कारण जापानमा मृत्यु भएको छ।

जापानको दोस्रो डिभिजन क्लब क्युडेन भोल्टेक्सले भुनिलागीको मृत्यु भएको पुष्टि गरेको हो। क्लबका अनुसार प्रशिक्षण सकेपछि उनीमा उच्च गर्मीका कारण हुने 'हीटस्ट्रोक’का लक्षण देखिएका थिए। लगत्तै उनलाई उपचारका लागि अस्पताल लगिएको थियो। तर चिकित्सकको निरन्तर प्रयासका बाबजुद उनको शुक्रबार मृत्यु भएको क्लबले जनाएको छ।