एकै दिन ११ अर्ब निक्षेप घट्यो

काठमाडौं । बैंकिङ प्रणालीमा एकै दिन ११ अर्ब रुपैयाँ निक्षेप घटेको छ । नेपाल राष्ट्र बैंकका अनुसार फागुन ३० गते मंगलवार बैंक, वित्तीय संस्थासँग ५४ खर्ब १३ अर्ब रुपैयाँ निक्षेप रहेकोमा चैत १ गते बुधवार घटेर ५४ खर्ब २ अर्ब रुपैयाँ कायम भएको छ । चैत १ गतेयताको निक्षेप घटबढको विवरण राष्ट्र बैंकले आइतवार रातिसम्म सार्वजनिक गरेको छैन ।

वाणिज्य बैंकहरूबाट १२ अर्ब रुपैयाँ निक्षेप घट्दा विकास बैंक र वित्त कम्पनीहरूमा भने १ अर्ब रुपैयाँ बढेको थियो । नेपाल आयल निगमले इन्डियन आयल कर्पोरेशनलाई पेट्रोलियम पदार्थ खरीदबापतको रकम भुक्तानी गर्दा वाणिज्य बैंकबाट ठूलो रकम बाहिरिएको हो ।