हालान्डको गोलसहित सिटीको शानदार जित

काठमाडौँ । इंग्लिस प्रिमियर लिग अन्तर्गत आज सम्पन्न खेलमा म्यानचेस्टर सिटीले फुलहममाथि ३-० को प्रभावशाली जित दर्ता गरेको छ । घरेलु मैदानमा भएको खेलमा सिटीले पहिलो हाफमै तीन गोल गर्दै जित सुनिश्चित गरेको हो ।

खेलको २४औँ मिनेटमा एन्टोइन सेमेन्कोले गोल गर्दै सिटीलाई अग्रता दिलाए । त्यसको मात्र ६ मिनेटपछि निको ओराइलीले गोल थप्दै अग्रता दोब्बर बनाए । ३९औँ मिनेटमा स्टार स्ट्राइकर एर्लिङ हालान्डले गोल गरेपछि पहिलो हाफमै खेल ३-० को अवस्थामा पुगेको थियो । दोस्रो हाफमा दुवै टोलीबाट थप गोल हुन सकेन ।