यथास्थितिमा चुनाव वा संसद् पुनर्स्थापनाले निकास दिँदैन: गजुरेल

काठमाडौँ । अल जेनजी मुभमेन्टका हरिकृष्ण गजुरेलले यथास्थितिमा गरिने संसदीय चुनाव वा संसद् पुनर्स्थापनाबाट मुलुकले निकास नपाउने बताएका छन् । आइतबार काठमाडौँमा आयोजित एक कार्यक्रममा बोल्दै उनले मुलुक गम्भीर संकटमा रहेकाले केवल सत्ता स्वार्थका लागि उठाइने चुनाव वा संसद् पुनर्स्थापनाका बहसले समस्या समाधान नगर्ने बताएका हुन् ।

गजुरेलले वर्तमान संविधान र प्रणालीले मुलुकलाई स्थिरता दिन नसक्ने प्रस्ट भइसकेको उल्लेख गर्दै जेनजी आन्दोलनबाट संविधान पुनर्लेखन वा कम्तीमा पुनरावलोकन अपरिहार्य भएको पुष्टि भइसकेको बताए । उनका अनुसार प्रत्यक्ष निर्वाचित कार्यकारी प्रमुखको व्यवस्था बिना मुलुक अगाडि बढ्न सक्दैन ।