कुलमानसँग रास्वपाको वार्ता निष्कर्षविहीन, फेरि कुराकानी हुने

काठमाडौँ — राष्ट्रिय स्वतन्त्र पार्टी (रास्वपा) मा भित्र्याउने प्रयासस्वरूप कुलमान घिसिङसँग भएको संवाद निष्कर्षविहीन बनेको छ । आइतबार बेलुकी अबेरसम्म भएको वार्ता टुंगोमा नपुगेपछि फेरि कुराकानी गर्ने सहमति भएको हो ।

काठमाडौं महानगरपालिकाको कार्यालयमा रास्वपा सभापति रवि लामिछाने र काठमाडौं महानगरपालिकाका मेयर बालेन्द्र शाहले घिसिङसँग कुराकानी गरेका हुन् । तर, मिलनविन्दु तत्काल ननिस्किएपछि नेताहरू उठेको रास्वपाका एक नेताले कान्तिपुरलाई बताए ।