बार्सिलोनामा १८ वर्ष बिताएका सर्जी रोबर्टो अब अमेरिकामा, एलए ग्यालेक्सीमा आबद्ध

बार्सिलोनामा आफ्नो करियरको लामो समय बिताएका स्पेनिस मिडफिल्डर सर्जी रोबर्टो अब अमेरिकी क्लब एलए ग्यालेक्सीबाट खेल्ने भएका छन्।

३४ वर्षीय रोबर्टोले निःशुल्क स्थानान्तरणमार्फत ग्यालेक्सीसँग सम्झौता गरेका हुन्। रोबर्टोले ग्यालेक्सीसँग सन् २०२८ जुन ३० सम्मको सम्झौता गरेका छन्। सम्झौतामा थप एक वर्ष लम्ब्याउने विकल्पसमेत राखिएको छ। आवश्यक पी–१ भिसा प्राप्त गरेपछि उनको क्लब प्रवेश औपचारिक भएको हो। रोबर्टोका लागि एलए ग्यालेक्सीको यात्रा नयाँ अध्याय हो।