सुदूरपश्चिममा पर्यटन बजेटको अधिकांश हिस्सा धार्मिक संरचनामै

काठमाडौं– सुदूरपश्चिम प्रदेश सरकारले पर्यटनलाई आर्थिक समृद्धि र रोजगारीसँग जोड्ने लक्ष्य राखे पनि पर्यटन बजेटको ठूलो हिस्सा अझै धार्मिक संरचना निर्माणमै केन्द्रित भएको देखिएको छ।

उद्योग, पर्यटन, वन तथा वातावरण मन्त्रालयका अनुसार आर्थिक वर्ष २०८२/८३ मा पर्यटन क्षेत्रका लागि ४६ करोड ३० लाख रुपैयाँ विनियोजन गरिएको थियो। त्यसमध्ये २७ करोड २ लाख रुपैयाँ धार्मिक क्षेत्रसँग सम्बन्धित योजनामा खर्च भएको छ।