इरानमा दुई सय लडाकु विमानबाट आक्रमण गरिएको इजरायली सेनाको दाबी

काठमाडौँ । इजरायली सेनाले शनिबार बिहानैदेखि इरानका विभिन्न स्थानमा करिब दुई सय वटा लडाकु विमानहरूले आक्रमण गरेको जनाएको छ । यस अभियानलाई इजरायली वायुसेनाको इतिहासमै ‘अहिलेसम्मकै सबैभन्दा ठुलो सैन्य फ्लाईओभर’ भनिएको छ ।

इजरायली रक्षा बलका अनुसार ती लडाकु विमानहरूले इरानका करिब पाँच सय वटा रणनीतिक लक्ष्यहरूमा सयौँको सङ्ख्यामा गोला बारुद प्रहार गरेका छन् । यस आक्रमणको मुख्य उद्देश्य इरानी शासनको आक्रामक क्षमतालाई गम्भीर रूपमा कमजोर पार्नु रहेको इजरायलले जनाएको छ ।