कोशी प्रदेश : सरकार परिवर्तनबारे सबै ‘पर्ख र हेर’को अवस्थामा

विराटनगर । कोशी प्रदेशमा सरकार परिवर्तनको प्रयासमा रहेका केन्द्रीय सत्ता गठबन्धन आबद्ध दलहरू प्रभावकारी कदम चाल्न भने सकिरहेका छैनन् । उनीहरू बजेट अगाडि नै सरकार परिवर्तन गर्न नसक्ने अवस्थामा पुगेका छन् ।

संवैधानिक व्यवस्था अनुसार प्रदेश सरकारले असार १ गतेसम्ममा आगामी आर्थिक वर्षको अनुमानित आयव्यय विवरण (बजेट) संसद्‍मा ल्याउनुपर्ने प्रावधान छ । नेपाली कांग्रेस कोशी प्रदेश संसदीय दलले केही दिन अगाडि सरकारमा सहभागी दल माओवादी केन्द्र र जनता समाजवादी पार्टी वर्तमान सरकारबाट बाहिरिनुपर्ने निर्णय ग¥यो । कांग्रेसले त्यसको जानकारी माओवादी संसदीय दलका नेता इन्द्रबहादुर आङ्बोलाई दियो । तर, कांग्रेसको उक्त अनुरोध र आग्रहले ठोस आकार ग्रहण गरेको छैन ।