गुणस्तरहीन सेनिटरी प्याड वितरण नगर्न पचात्रार, सरकारको बजेट १ अर्ब ४२ करोड

काठमाडौं । सामुदायिक विद्यालयले न्युन गुणस्तर र समय गुज्रिएको सेनिटरी प्याड वितरण गरेको गुनासो आएपछि काठमाडौं महानगरले कामपाभित्र ८९ वटै सामुदायिक विद्यालयलाई सचेत गराएको छ । सरकारले सामुदायिक विद्यालयमा अध्ययनरत कक्षा ६ देखि १२ सम्मका छात्रालाई निःशुल्क सेनिटरी प्याड वितरण गरिरहेको छ ।

विगतका वर्षमा गुणस्तरहीन सेनिटरी प्याड वितरण भइरहेको गुनासो आएपछि त्यसलाई नियन्त्रण गर्न आग्रह गर्दै पत्राचार गरिएको कामपा शिक्षा विभाग प्रमुख सीताराम कोइरालाले बताउनुभयो । उहाँले भन्नुभयो– ‘शिक्षा, विज्ञान तथा प्रविधि मन्त्रालयबाट जारी भएको सेनिटरी प्याड वितरण तथा व्यवस्थापन कार्यविधिअनुसार खरिद गर्न निर्देशन दिएका हौं ।’ शुरूमा पत्र पठाएर सचेत गराइएको जिकिर गर्दै उहाँले अब अनुगमन गरी गलत ठहरिए कारबाही गर्ने चेतावनी पनि दिनुभयो ।