बेथिति रोक्न मन्त्री चौधरीको कडा कदम: काठमाडौँ केन्द्रित कर्मचारी अब अनिवार्य दुर्गम जानुपर्ने

काठमाडौँ । कृषि, वन तथा पर्यावरण मन्त्री गिता चौधरीले नेपाल कृषि अनुसन्धान परिषद् (नार्क) भित्र सुशासन कायम गर्न र अनुसन्धान कार्यलाई देशको आवश्यकता अनुसार अघि बढाउन कडा कानुनी मापदण्ड ल्याएकी छिन्।

नार्कमा वर्षौंदेखि राजनीतिक पहुँचका आधारमा काठमाडौँमै टिकिरहने र त्यहीँबाट अवकाश पाउने गलत प्रवृत्तिको अन्त्य गर्न मन्त्री चौधरीले ‘कर्मचारी सरुवा तथा पदस्थापना व्यवस्थापनसम्बन्धी मापदण्ड, २०८३’ कार्यान्वयनमा ल्याएकी हुन्। यो नयाँ व्यवस्था लागू भएसँगै सुगममा मात्र बसेर शक्ति र पहुँचको दुरुपयोग गर्ने दिन सकिएका छन् भने दुर्गमका कार्यालयहरूमा देखिएको कर्मचारी अभावको समस्या पनि समाधान हुने विश्वास गरिएको छ।