नाबालिगको डिम्ब निकालिएको घटना : प्रहरी बयानमा के भनिन् डा नुतनले?

काठमाडौं- ललितपुरको ग्वार्कोस्थित बीएण्डबी अस्पतालको आईभीएफ सेन्टरमा नाबालिगको डिम्ब निकालिएको घटनामा आरोपित प्रसूति तथा स्त्रीरोग विशेषज्ञ डा. नूतन शर्माले प्रहरीसमक्ष बयान दिएकी छिन्। उनले प्रहरीसँगको बयानमा आफ्नो बचाउ गर्दै आफूलाई किशोरी नाबालिग भएको विषयमा कुनै जानकारी नभएको दाबी गरेकी छन्।

वैदेशिक भ्रमणबाट फर्किएलगत्तै जिल्ला प्रहरी परिसर, ललितपुर र सरकारी वकिलको कार्यालयमा आफैँ उपस्थित भएर बयान दिएकी डा. शर्माले उपचार र प्रक्रियागत पाटोमा आफ्नो तर्फबाट कुनै गलत नियत नरहेको जिकिर गरेकी हुन्।