खोला किनारका सुकुम्बासी परिवारलाई सुरक्षित स्थानमा सारियो

उदयपुर — उदयपुरको कटारी नगरपालिकाले खोला क्षेत्रमा बसोबास गर्ने सुकुम्बासी बस्तीका नागरिकलाई सुरक्षित स्थानमा स्थानान्तरण गरेको छ ।

भारी वर्षाका कारण बाढीको जोखिममा रहेका कटारी नगरपालिका-५ बलाहस्थित तावा र छाउरी खोला किनारमा बसोबास गर्ने सुकुम्बासी परिवारलाई उद्धार गरी सुरक्षित स्थानमा राखिएको हो ।