हङकङबाट बैंकक पुगे देउवा, विमानस्थलमा भव्य स्वागत गर्ने तयारी

काठमाडौँ । नेपाल फर्कने तयारीमा रहेका नेपाली कांग्रेसका पूर्वसभापति शेरबहादुर देउवा हङकङबाट बैंकक पुगेको नेता मीन विश्वकर्माले जानकारी दिएका छन् । देउवानिकट नेताहरूका अनुसार, उनी शुक्रबार हङकङबाट थाइल्यान्डको राजधानी बैंकक पुगेका हुन् ।

अब बैंककबाटै थाइ एयरवेजको विमानबाट नेपाल फर्किने कार्यक्रम तय भएको छ । देउवा २६ साउनमा स्वदेश फर्किएर राजनीतिक भेटघाट गर्ने तय भएको थियो । ‘उहाँ २६ गते नेपाल फर्किएर राजनीतिक भेटघाट गर्ने तय भएको थियो । तर कुरा हुँदा साथीहरूले विमानस्थलमा स्वागत गर्न जान चाहना राख्नुभयो । हङकङबाट रात्रिकालीन उडान मात्र भएकाले उहाँ थाइल्यान्ड जानुभएको छ,’ विश्वकर्माले भने ।