नेपालयले ल्यायो २५ वर्षमुनिका ७५ लेखक

काठमाडौँ। कालिकास्थानस्थित नेपालयको आरशाला शनिबार खचाखच थियो। अक्सर साहित्यिक भिडमा देखिने अनुहारभन्दा फरक युवा अनुहारको बाहुल्य थियो।

अस्ट्रियाको भियना विश्वविद्यालयमा प्राध्यापनरत लेखक अलका आत्रेय चूडाल भन्दै थिइन्, “लेखपढमा युवाहरूको यत्रो उत्साह देखेर म अचम्ममा परेँ। उहाँहरू किताब किनिरहनुभएको छ। पढिरहनुभएको छ। साहित्यिक जिज्ञासा राखिरहनुभएको छ। कति सुन्दर दृश्य देखियो आज।”