६० किलो सुन तस्करी प्रकरण : १६ जना पुर्पक्षका लागि थुनामा, तीनजनासँग धरौटी माग

जिल्ला अदालत काठमाडौंले ६० किलो सुन तस्करी प्रकरणमा १६ जनालाई पुर्पक्षका लागि थुनामा पठाउन आदेश दिएको छ । बुधबार थुनछेक बहसपछि अदालतले पक्राउ परेकामध्ये १६ जनालाई थुनामा पठाउन र तीनजनालाई धरौटीमा छाड्न आदेश दिएको हो ।

अदालतले भारतीय नागरिकहरू सिद्धनाथ अशोक गायकवाड ‘सिद्धार्थ’, धिरज दिनेश वैटे ‘दिनेश’, बैजनाथ ब्रम्हादत्त गोयल र प्रशान्त गणेश वजवलकारलाई पुर्पक्षका लागि थुनामा राख्न आदेश दिएको छ । चिनियाँ नागरिक सोनाम गुरुङ र मनोजराज श्रेष्ठलाई पनि थुनामा राख्न आदेश भएको छ ।