व्यापक आर्थिक वृद्धि हासिल नगरेसम्म सुशासन र समृद्धिको लक्ष्य चुनौतीपूर्ण : उपाध्यक्ष भट्ट

काठमाडौं- राष्ट्रिय योजना आयोगका उपाध्यक्ष डा. गुणाकर भट्टले व्यापक र समावेशी आर्थिक वृद्धि हासिल नगरेसम्म सुशासन, सामाजिक न्याय र समृद्धिको लक्ष्य पूरा गर्न चुनौती रहने बताएका छन् ।

सुशासन संरक्षण मञ्चले आइतबार आयोजना गरेको ‘राष्ट्रिय सुशासन शिखर सम्मेलन २०२६’लाई सम्बोधन गर्दै उपाध्यक्ष भट्टले १६औँ राष्ट्रिय योजनाले सुशासन, सामाजिक न्याय र समृद्धिलाई प्रमुख विषयका रूपमा अघि सारेको बताए ।