रास्वपाका मन्त्री महिनामा एकपटक पार्टी कार्यालयमा अनिवार्य उपस्थित हुनुपर्ने

काठमाडौं– सत्तारूढ राष्ट्रिय स्वतन्त्र पार्टी (रास्वपा) ले सरकारमा सहभागी आफ्ना मन्त्रीहरूलाई महिनामा कम्तीमा एकपटक केन्द्रीय पार्टी कार्यालयमा अनिवार्य उपस्थित भई नागरिक र पार्टी पङ्क्तिसँग प्रत्यक्ष संवाद गर्नुपर्ने व्यवस्था गरेको छ।

रास्वपाले आगामी भदौदेखि ‘नागरिक, नीति र नेतृत्व’ कार्यक्रम सुरु गर्ने जनाएको छ। सहमहामन्त्री असिम शाहले आइतबार विज्ञप्ति जारी गर्दै लोकतन्त्रमा निर्वाचित नेतृत्व निरन्तर नागरिकको निगरानी, सुझाव र सम्पर्कमा रहनुपर्ने भएकाले यो कार्यक्रम ल्याइएको बताए।