लार्के सडक ठाउँ–ठाउँमा अवरुद्ध, आवतजावत र सामान ढुवानीमा समस्या

गोरखा : अविरल बर्षाका कारण उत्तरी गोरखा प्रवेश गर्ने मुख्यद्वार बेनिघाट आरुघाट लार्के सडक ठाउँ–ठाउँमा अवरुद्ध भएको छ । केही दिनदेखिको बाढी तथा पहिरोले धार्चे गाउँपालिका–३ स्थित सो सडक विभिन्न ठाउँमा अवरोध भएको जगतका विशाल घलेले जानकारी दिए ।

‘तातोपानीदेखि जगतसम्मको सडक तीन ठाउँमा अवरोध छ’, उनले भने, ‘तातोपानीको झरना यति ठूलो छ कि, छाँगोले सडक पूरै ढाकेर वारपार गर्न नमिल्ने भएको छ’, सडकको अवस्था हेर्न जगतदेखि तातोपानीसम्म आएका उनले भने, ‘दोभान खोलामा पनि गाडी वारपार गर्न नसक्ने अबस्था छ ।’ अण्डाडाँडा, दोभानखोला र कालोभीरमा पनि बाटो थुनिएको उनको भनाइ छ ।