रुकुमपश्चिमको शीतलपोखरी–चुन्वाङ सडकले २७ वर्षपछि गति लिँदै

२५ असोज, सुर्खेत । रुकुमपश्चिमको पुरानो सडकखण्ड शीतलपोखरी–झुल्खेत–चुन्वाङ सडकको स्तरोन्नति तथा कालोपत्रेको काम २७ वर्षपछि सुरु भएको छ। पटक-पटक बजेट विनियोजन भए पनि निर्माण सम्पन्न हुन नसकेको उक्त सडकको काम पुनः सुरु भएपछि स्थानीयवासीमा वर्षौँदेखिको सास्ती अन्त्य हुने आशा पलाएको छ।

मुसिकोट नगरपालिकास्थित शीतलपोखरीबाट झुल्खेत हुँदै चुन्वाङ जोड्ने १८.४ किलोमिटर सडकको स्तरोन्नति तथा कालोपत्रे गर्न ग्रामीण सडक सञ्जाल सुधार आयोजनामार्फत काम अघि बढाइएको हो। सडक निर्माणका लागि रायमाझी थुदुङ पाण्डे जेभीसँग गत असोज १ गते सम्झौता भएको छ।