नागरिक विश्वासको नागरिक सेवा
rajdhanidaily.com · Tue Aug 03 23:20:30 GMT 2021
लोकतन्त्र नागरिकसम्म पुग्ने आधार भनेको सार्वजनिक सेवा हो । सार्वजनिक सेवा नागरिक विश्वास जित्न सक्षम हुनुपर्छ । तर, विश्वका सबै मुलुकहरू आप्mना नागरिकबाट आलोचना र असन्तुष्टि व्यक्त गरिरहेका छन् कि उनीहरूले अपेक्षा गरेअनुरूपको सेवा राज्य संयन्त्रबाट दिइएको छैन । असन्तुष्टि र आलोचना सेवाको मूल्य, आयतन, समय र गुणस्तरजस्ता सेवाका सबै आयाममा फैलिएका छन् । यसबाट लोकतान्त्रिक सरकारहरूले गम्भीर भएर सोच्नुपर्ने भएको छ ।
असन्तुष्टि र आलोचना प्रणाली सुधारको माग हो । यसका लागि प्रयास नभएका पनि होइनन् । सुधारका प्रयास व्यवहार र प्रवृत्तिले साथ नदिएमा बित्थामा खेर जान्छन् । यस्तो हुँदै आएको छ । उपलब्ध स्रोत, साधन, नीति संरचना र जनशक्तिले दिनुपर्ने जति सेवा र गर्नुपर्ने जस्तो व्यवहार नभएकाले नै निजामती प्रशासन रक्षात्मक देखिएको हो । आफ्नै सेवाग्राहीबाट आलोचित हुनु भनेको सेवा प्रदायकका लागि कार्य धरातलको वैधता नै गुमाउन हो । त्यसैले सेवा व्यवहार बदली सरकारलाई नागरिकको घरदैलो र मनसम्म पु¥याउनु अहिलेको चुनौती हो । यो कार्य सोचेजस्तो सजिलो भने अवश्य होइन तर ससाना प्रवृत्तिजन्य पक्षमा ध्यान पु¥याउन सके यो निकै सरल पनि छ । सरकार र नागरिकबीच असल सम्बन्ध विकासका लागि पनि यो आवश्यक छ ।
स्रोतमा पूरा पढ्नुहोस् (rajdhanidaily.com)