पहिरोले बूढीगण्डकी थुनिएपछि बाढी, गोरखामा घर र पुलमा क्षति

गोरखाको चुमनुब्री गाउँपालिकामा पहिरोले बूढीगण्डकी नदी थुनिएपछि आएको बाढीले घर र पुलमा क्षति पुर्‍याएको छ।

बाढीले चुमनुब्री र धार्चे गाउँपालिकाका विभिन्न स्थानमा घर तथा झोलुंगे पुल बगाएको छ। अहिलेसम्म मानवीय क्षतिको विवरण प्राप्त नभएको जिल्ला प्रहरी कार्यालय गोरखाका निमित्त सूचना अधिकारी इन्स्पेक्टर आकाश कँडेलले जानकारी दिए।