बुढीगण्डकी बाढी : त्रिशूली दोभानसम्म सतर्कता अपनाउन आग्रह

काठमाडौँ । गोरखाको चुमनुब्री गाउँपालिका–६ अन्तर्गत लोक्पा र चुम्लिङको बीचमा पहिरो खसेर थुनिएको बुढीगण्डकी नदी पुनः प्रवाह हुन थालेपछि बाढीको जोखिम बढेको छ। नदी थुनिएको स्थानबाट पानी बग्न थालेसँगै सम्भावित बाढीलाई मध्यनजर गर्दै प्रहरीले नदी तटीय क्षेत्रका बासिन्दालाई सतर्क रहन आग्रह गरेको छ।

प्रहरीका अनुसार आइतबार बिहान ५ः३० बजे पहिरोका कारण बुढीगण्डकी नदी थुनिएको सूचना प्राप्त भएको थियो। त्यसलगत्तै प्रहरी चौकी सिर्दिबास र प्रहरी चौकी चुम्चेतबाट प्रहरी टोली घटनास्थलतर्फ परिचालन गरिएको थियो।