पलाँता अस्पतालमा कुटिएकी नर्स भन्छिन् : फर्किने अवस्था छैन, त्रासमा कसरी काम गर्ने ?

नागरिकको स्वास्थ्य रक्षाका लागि दूरदराजका दुर्गम बस्तीहरूमा पुगेर अहोरात्र खटिनु हामी स्वास्थ्यकर्मीको प्राथमिक दायित्व kहो । कालिकोटको विकट क्षेत्रमा रहेको पलाँता अस्पतालमा सेवा दिन पाउँदा म सधैँ आफ्नो पेसाप्रति समर्पित र गर्वित थिएँ । तर, गएको शुक्रबार दिउँसो अस्पताल परिसरमै म र मेरा सहकर्मीहरूमाथि जुन अमानवीय, बर्बर र हिंसात्मक घटना घट्यो, त्यसले मलाई शारीरिक रूपमा मात्र होइन, मानसिक रूपमा पनि क्षत विक्षत बनाएको छ ।

शुक्रबार दिउँसोको समय थियो । म, डाक्टरसाब र अन्य सहकर्मीहरू अफिसमै थियौँ । ओपीडी सेवा निरन्तर सञ्चालन भइरहेको थियो । बाजुराबाट दुःख कष्ट सहेर आएका बिरामी र स्थानीय पलाँताकै गरी हामी बिरामीहरूको स्वास्थ्य परीक्षण र उपचारमा व्यस्त थियौँ ।