धर्म मन्दिरमा होइन, निस्वार्थ सेवामा छ: सरसफाइ अभियानकर्ता खड्का

धनगढी । ‘धर्म खोज्न कतै जानु पर्दैन । निस्वार्थ भावनाले समाज र देशको लागि काम गर्ने मान्छे नै सबैभन्दा ठूलो धार्मिक हुन्छ ।’ यो भनाइ हो, धनगढीका सरसफाइ अभियानकर्ता लोकबहादुर खड्काको ।

कैलालीको धनगढी उपमहानगरपालिका वडा नं. ५, जयभैरव टोलका खड्का हरेक दिन बिहान ४ बजे उठ्छन् । बिहान १० बजेसम्म टोल, छिमेक र सडकमा फालिएका प्लास्टिकजन्य फोहोर टिप्ने उनको दैनिकी हो ।