रियाद विमानस्थलमा हुथी विद्रोहीको आक्रमण, १२ जनाको मृत्यु, ३०० भन्दा बढी घाइते

काठमाडौँ– साउदी अरबको राजधानी रियादस्थित किङ खालिद अन्तर्राष्ट्रिय विमानस्थलमा इरान समर्थित हुथी विद्रोहीले शनिबार गरेको घातक आक्रमणमा परी कम्तीमा १२ जनाको मृत्यु हुनुका साथै ३०९ जना घाइते भएका छन् । यो यसै साता रियाद विमानस्थललाई लक्षित गरी गरिएको तेस्रो आक्रमण हो ।

साउदी नागरिक उड्डयन प्राधिकरणका अनुसार मृतकहरूमा चार जना साउदी नागरिक, दुई जना बङ्गलादेशी र अमेरिका, जोर्डन, प्यालेस्टाइन, सिरिया, सुडान तथा इजिप्टका एक(एक जना नागरिक रहेका छन् । पछिल्लो विवरण अनुसार घाइतेहरूको सङ्ख्या ३०९ पुगेको छ । घाइतेहरूलाई एम्बुलेन्स तथा हेलिकप्टरमार्फत अस्पताल पुर्‍याइएको र केहीको अवस्था गम्भीर रहेको जनाइएको छ ।