अभिजित दिपके हिरासतमा रहँदा पारिवारिक वियोग, प्रहरीले दियो दुई बिकल्प

नयाँ दिल्ली । कक्रोच जनता पार्टी (सीजेपी) का संस्थापक अभिजित दिपके दिल्ली पुलिसको हिरासतमा रहँदा नै उनको हजुरआमा सावित्रीबाई शंकरराव दिपकेको निधन भएको छ । ८५ वर्षीया सावित्रीबाईको शनिबार बिहान करिब ११ः३० बजे महाराष्ट्रको हिंगोली जिल्लाको संतुक पिंपरी गाउँमा लामो बिमारीपछि निधन भएको थियो । अन्तिम संस्कार आइतबार बिहान १० बजे गर्ने तय भएको थियो ।​

अभिजित दिपके मुख्य निर्वाचन आयुक्त ज्ञानेश कुमारविरुद्ध जन्तर–मन्तरमा प्रदर्शन गर्न मुम्बईबाट दिल्ली आउँदा विमानस्थलमै पक्राउ परेका थिए । उनीसहित सीजेपीका अन्य नेताहरू सौरव दास र आशुतोष रांकालाई विमानभित्रैबाट पक्राउ गरिएको थियो ।