शारदीय नवरात्रको पहिलो दिन आज माता शैलपुत्रीको पूजा गरिँदै, यस्ताे छ पूजाविधि

काठमाडौँ । शारदीय नवरात्रको पहिलो दिन आज माता शैलपुत्रीको पूजा गरिन्छ । देवी दुर्गा माताको ९ रूप छन्, त्यसमध्ये पहिलो रूप शैलपुत्री हो । शैल भनेको पर्वत र पुत्री भन्नाले छोरी भन्ने अर्थ लाग्छ ।

मार्कण्डेय पुराणका अनुसार पर्वतराज हिमालयकी पुत्रीको रूपमा उत्पन्न भएकी हुनाले हिमालयराजकी छोरी, पार्वती, सेती वा हेमवती वा शैलपुत्री नाम रहन गएको हो । आश्विन प्रतिपदा अर्थात आजकै दिन माता शैलपुत्रीको पूजा तथा आराधना गरिन्छ ।