स्पेनिस ला लिगा : बार्सिलोना र रियल मड्रिड विजयी, आज चार खेल हुँदै

स्पेनिस ला लिगा फुटबलअन्तर्गत गएराति भएका खेलमा बार्सिलोना, रियल मड्रिड र एट्लेटिको मड्रिडले जित निकालेका छन्। बार्सिलोनाले गेटाफेलाई पराजित गर्दा रियल मड्रिडले भिल्लारियल तथा एट्लेटिकोले डेपोर्टिभो आलाभेसलाई हराएका छन्।

ला लिगाअन्तर्गत बार्सिलोनाले गेटाफेलाई ३-० गोलले पराजित गर्‍यो। यस्तै, रियल मड्रिडले भिल्लारियललाई १-० गोलले हराउँदा एट्लेटिको मड्रिडले आलाभेसविरुद्ध २-१ गोलको जित निकालेको छ। मालागा र इस्पान्योलबीचको खेल भने १-१ गोलको बराबरीमा सकिएको थियो।